QQ打針日

今日係幼稚園因為豬流感停課既第一個星期六，我仲以為我要同哥哥係長洲吽一日添，點知我有機會出香港逛街喎！不過咪甘開心住，因為出去既目的係揾陳醫生打肺炎縺球菌疫苗，哥哥嗰時2歲先打，但媽咪話依家菌多，寧願洗多$750等我早啲打，免多一種疫 (2歲前要2個月打2針; 2歲後1針就ok)。


出去既時候我仲係輕輕鬆鬆，去到陳醫生度都無有怕，因為打針手勢一流，根本就吾會痛，有咩好驚呀？





打完針，去左食lunch，爸爸又俾媽咪"省"，因為爸爸食完先，媽咪咪諗住爸爸睇住我，可以安心食碗麵，點知我一個反身就係櫈度跌左落地，爸爸即刻解釋話佢有"mung"住我"些力"，媽咪更加嬲多兩錢，媽咪話佢係叫爸爸睇住吾係"mung"住，爸爸下次你要記住啦！

行陣街就返屋企，有時媽咪都驚街上人多菌多，仲有，媽咪自己都眼光光，因為媽咪已經擔心左我好受日啦，事緣我條頸有啲地方腫左，媽咪好驚我有啲咩事，好彩見完醫生只係話淋巴脹左 (因為要製造白血球，只要吾係硬左一舊就無事)，媽咪聽完安心晒。

其實媽咪每次見到我呢個超得意仔仔，佢就會精神晒架啦！所以我咪成日扮啲鬼甘Q表情，"tum"佢開心lor！