"媽媽，我愛你"孝親填色比賽頒獎禮

今朝去完自己學校既活動日，去嫲嫲度瞓左2個鐘+既覺，下午換番件醒目校服就去聖心學校領獎。係上一次填色比賽得到幼稚園初級組亞軍。原來等攞獎心情真係好緊張，仲要係所有長洲幼稚園聯辨既添。


頒獎嗰個好似係區議員，不過，你地都知媽咪都吾會理佢，最緊要影相留念。


領完獎，由於天氣太熱，媽咪就提議去tea一tea，我又點會托手踭，"老板，吾該凍Horlick呀！"


返到屋企睇下個禮物包，有張證書同一盒Miffy兔仔顏色筆，下次要再畫靚D攞個冠軍先得。(媽咪，記得下次要再畫靚D呀！)