粉嶺Lavender Garden一天遊

五月一日, 媽咪放假, 一早已經約左Auntie Rita, Marcus 同其他Auntie Uncle 去 Lavender Garden過一個田園feel既五一勞動日. 我地約左Mario係香港站等, 兩個烏龍媽媽同我地兩個可愛仔經歷左一段本來好短, 最後好長既鐵路旅程. (因為佢地搭錯車呀!!)


我地係 Auntie Rita屋企會合左, 就出發去粉嶺Lavender Garden. 係車度我地小朋友梗係呱呱叫啦!不過吾夠一陣, 架車”Dun下 Dun下”, 我地就瞓左啦!
我地開番眼之後已經到左啦! 今日天氣晴朗, 媽咪幫我戴左一頂草帽, 我地就慢慢由停車場行入Lavender Garden啦!

係Garden既大門口已經有一個羊欄, 我諗Marcus同我一樣未見過山羊, 我地真係睇到眼定定架!

再入啲就係我地今日行程最主要既景點, 一個種滿Lavender既田, 原來個田吾係好大架jar.不過幾大都吾關我地事啦!因為我地都全部堆住吹Bubble吹到面都紅埋既Auntie Rita, 玩完一輪, 我地又向另一個景點出發啦!

我地去左撈金魚, 雖然我地只係係水池旁扮野撈下, 撥下水, 但已經開心到不得了.

之後, 我地去左園內既遊樂場玩, 有一個好多沙既Slide, 又有一個會灑水既鐡柱陣, 仲有一個好似我一坐上去就會碎既千秋, 又睇下人打羽毛球, 幫下人搬下凳仔,



玩足成日.同Marcus , Fung Fung食埋dinner, 我就同媽咪返屋企啦，你地睇下我個人累到眼都”鯨”埋呀! 返去真係要早啲瞓啦! 因為聽日仲要睇”太平清醀”呀!