小便都甘開心？！！

梓榛戒片令我煩惱左一段日子，因為佢已經兩嵗半，小朋友到呢個歲數應該戒左尿片，但梓榛好stubbon，你同佢去VV，佢吾肯不突止仲"su"返你轉頭，你話係吾係激死呀！不過今日佢好叻，除左落街食飯，全日一條片都無用，而且又肯去toilet，足已令到我超開心，仲忍吾住打俾梓榛班主任報喜，希望趁呢個夏天戒好片，K1返學小一樣煩啦！(依家仲係口水長流，希望K1前出埋大牙啦！)



又講吓鈞朗呀，可能佢始終有哥哥做榜樣，學野都好快，其實佢未一歲已經識行，你睇佢15個月真係行到健步如飛架！Ha!Ha! 不過，佢今日有啲吾舒服，全日都吾飲奶，好在我寫Blog其間，姐姐開左枝奶，佢都肯飲仲飲晒安樂晒！

我的私人理髮廳&理髮司

天氣真係太熱啦, 好在我個頭無哥哥個個咁難攪, 因為媽咪一order, 爸爸即刻set好我個私人理髮廳, 你睇, 我剷完個skin hair幾清爽!

早教媽媽

今日同兩個朋友媽咪去聽講座, 對兩個小朋友既陪育, 我其實都好緊張架, 所以有啲關於幼兒教育既material, 我又有時間都會想聽下. 聽完個talk之後, 得出一個結論, 就係我同個仔既講既野仲吾夠, 因為對兩個仔多啲講, 等佢係我身上面學多啲.

去完個talk之後, 我去左教協諗住買個white board俾兩個仔劃下野, 點知見到個度好多野買, 有一套書我一路想買黎講故事俾啲仔聽, 嘩! 個度七五折jar, 最後買下買下, 又買左 HK$650+ (個white board只係 HK$90+), 抬到個人散, 不過諗起兩個仔一定鐘意, 無計啦!

呱呱叫

今個星期六, 終於開番playgroup lar, 兩個小朋友一齊返, 佢地都好長洲人啦, 各自會係船度搵娛樂. 大哥就上下網, 寫下字, 細佬就一定係瞓下養下神啦!



因為H1N1, 依家返playgroup都好嚴, 未夠鐘又吾俾入住, 街又落住雨, 咪唯有係門口放佢地走下囉, 你睇兩兄弟真係玩到傻, 呱呱叫.


回程兩個仲係眼仔碌碌, 以為兩個真係咁強吾駛瞓, 點知一落車, 上番BB車, 兩個即刻瞓著. 哈!哈!我同Erni咪無lar lar可以瞓番一個鐘lor!

我的Thomas三輪車

媽咪為左吾想我同哥哥爭三輪車玩, 所以又幾經辛苦係Toyrus搬左架Thomas三輪車俾我. 我真係好想即刻開黎玩, 不過開左之後, 我發覺原來架車玩就易, 要"Hom"就難啦! 你睇我真係諗到頭都"Hun"埋, 唯有叫哥哥幫手啦! 不過似乎哥哥都吾係點幫到忙架啦! 最後咪又係爸爸攪掂!

爭玩具

今日叫嫲嫲姐姐搬番黃梓榛架三輪車落我地屋企, 打電話問Erni兩個細有無玩, 答案係有爭玩, 為左避免兩兄弟傷和氣, 唯有買多架啦! 又基於呢架新車係俾鈞朗, 我又要象徵咁買本書俾大哥, 希望佢地兩兄弟和陸相處啦!

無敵大咕窿@長洲Home

H1N1令到好多小朋友都無得返學, 可能屈得耐, 我兩個仔都好似屈到short short 地. 你地睇下張網床已經有個大咕窿, 係梓榛細個既時候 “了下了下”穿左, 依家再加埋鈞朗, 一齊沖呀沖呀,你地睇個大咕窿, 成度門咁大, 夠兩個B出出入入.
希望張床可以 “崖”多一,兩個月等鈞朗可以自己瞓換張小朋友床啦!

大熱天時@Ocean Park

今個星期六, 爸爸去左大陸踩單車, 我又見兩個仔因為豬流感無去街成個week,於是決定同佢地去Ocean Park, 細佬又未去過, 吾知佢有咩反應呢? 上一次黃梓榛好細個黎左一次, 個陣時小B仲係我個肚, 其實今次都係佢地第二次黎啦! (有啲感觸tim!) 你睇佢真係係船度養精蓄銳, 留番啲力一陣玩. 呢個week既天氣都吾係咁好, 出門口有太陽, 點知出到中環已經烏雲密佈, 仲落左一, 兩滴雨, 我地係中環食左個Delifrance早餐, 個大仔就最鍾意凍檸檬茶, 佢都飲左我 1/3 杯, 一次咁多啦!

去到金鐘, 雨就停左. 我地搭專車入Ocean Park, 兩個大人, 兩個小朋友再加兩架車仔浩浩蕩蕩向Ocean Park 出發. 專車係去Ocean Park集古村入口, 但係小朋友岩玩既野就係正門, 於是, 我地就搭接駁巴士去正門啦! 去到, 點都要係大門口影張到此一遊既相啦!

入到Ocean Park, 我地先去左玩小朋友遊戲, 梓榛第一次玩跳樓機, 開頭仲好似好勁, 指手劃腳, 玩個時就瓜瓜叫, 超攪笑.

玩完跳樓機, 同佢玩小型魔天輪, 全程攬住我隻腳, 大大隻, 但鬼咁"蛇get"!


玩完就坐Cable Car 過對面山頭, 係Cable Car 上, 一陣陣涼風, 好舒服呀, 小B忍吾住瞓左, 真係post都型過人架! 大B咁細膽, 梗係緊握扶手啦!

去Ocean Park一定要睇海豚表演, 大B睇到眼都吾"斬"，小B就聽到音樂就 "Lau"身"Lau"世，好得意，大B仲鐘意到一定要買條海豚返屋企添。

去到水族館，大B已經不支瞓左，小B仲大把power，黑猛猛見到大條大條魚游過一啲都吾驚！

玩完一日，諗住係出口影張相，唉！天方夜談，兩件野走來走去，過多两年先諗啦！

又生日蛋糕？！

我真係好鐘意吹生日爉祝同食生日蛋糕架！我諗我仲揾到志同道合既人添！

QQ打針日

今日係幼稚園因為豬流感停課既第一個星期六，我仲以為我要同哥哥係長洲吽一日添，點知我有機會出香港逛街喎！不過咪甘開心住，因為出去既目的係揾陳醫生打肺炎縺球菌疫苗，哥哥嗰時2歲先打，但媽咪話依家菌多，寧願洗多$750等我早啲打，免多一種疫 (2歲前要2個月打2針; 2歲後1針就ok)。


出去既時候我仲係輕輕鬆鬆，去到陳醫生度都無有怕，因為打針手勢一流，根本就吾會痛，有咩好驚呀？





打完針，去左食lunch，爸爸又俾媽咪"省"，因為爸爸食完先，媽咪咪諗住爸爸睇住我，可以安心食碗麵，點知我一個反身就係櫈度跌左落地，爸爸即刻解釋話佢有"mung"住我"些力"，媽咪更加嬲多兩錢，媽咪話佢係叫爸爸睇住吾係"mung"住，爸爸下次你要記住啦！

行陣街就返屋企，有時媽咪都驚街上人多菌多，仲有，媽咪自己都眼光光，因為媽咪已經擔心左我好受日啦，事緣我條頸有啲地方腫左，媽咪好驚我有啲咩事，好彩見完醫生只係話淋巴脹左 (因為要製造白血球，只要吾係硬左一舊就無事)，媽咪聽完安心晒。

其實媽咪每次見到我呢個超得意仔仔，佢就會精神晒架啦！所以我咪成日扮啲鬼甘Q表情，"tum"佢開心lor！

我玩”曬”!!

通常星期日我地一家人無咩野做都會落沙灘玩, 我同哥哥一落沙灘, 大家都吾會有爭野玩既情況. 因為哥哥鍾游水怕沙, 而我就鍾意玩沙但係驚水, 所以哥哥就同爸爸游水, 而我就同媽咪,Erni留係沙灘玩. 我真係一啲都吾驚沙, 你睇哥哥係沙灘蓆上面都吾敢郁架! 我玩”曬”!!



仲可以行黎行去 “Liu” 女仔 (其實係姐姐) tim.


係沙灘玩就最好, 又吾驚玩到成身沙, 又吾驚玩到濕身, 因為 “溤旨” 架mar! 哈! 哈!